Кәсіпкерлерге қосымша 200 млрд теңге бөлінді

Атап айтқанда, төтенше жағ­дай кезінде зардап шеккен ірі кәсіп­керлік субъектілерін және агро­өнеркәсіп кешеніндегі кәсіп­керлерді несиелеуге қосымша 200 млрд теңге бөлінді. Бағдарламаны қолдану мерзімі 2021 жылдың 31 желтоқсанына дейін, ал қаржыны игеру мерзімі 2021 жылдың 31 нау­рызына дейін ұзартылды.

Ұлттық банк қабылдаған өз­геріс­терді іске асыру және бағ­дар­­ламамен қамтуды кеңейту мақ­сатында Ұлт­тық экономика министрлігі, «Атамекен» ұлттық кәсіпкерлер пала­та­сымен бірлесіп, төтенше жағ­дай уақытында барынша зардап шек­кен салаларды анықтау бойын­ша жұмыс жүргізген. Соның нәти­ж­есінде өндеу өнеркәсібінде және қызмет көрсету саласында зардап шеккен қызмет түрлерінің тізбесі ай­қын­далды. Оны Ұлттық экономика министрлігі 2020 жылғы 18 қарашада Ұлттық банкке бекітуге ұсынды. Ол банк төрағасы мен министрдің бірлескен бұйрығымен бекітілді.

Осылайша, төтенше жағдай ен­гізілгеннен кейін шығынға ұшы­раған және экономиканың зардап шеккен салаларында қызметін жүзеге асыратын ірі кәсіпорындар жеңілдетілген несиелерді алу үшін екінші деңгейлі банктерге өтініш беруі керек. Бұл ретте ірі кәсіпкерлік субъектілеріне лимит белгіленген. Яғни қарыз алушыға 6 млрд теңгеден артық берілмейді. Шағын және орта бизнес субъектілеріне арналған лимит – 3 млрд теңге. Жеке кәсіпкерлік өкілдері алатын сома 50 млн теңге­ден артық болмауы керек.

Агроөнеркәсіпті жеңілдікпен несиелеуге бөлінген қосымша 200 млрд теңгенің 100 млрд теңгесіне лимит бөлінді. Оның ішінде 70 млрд теңге екінші деңгейлі банктер арқылы, ал 30 млрд теңге «Аграрлық несие корпорациясы» АҚ арқылы үлестірілуі керек.

Бағдарлама қатысушыларының көбеюіне байланысты оның атауы «Кәсіпкерлік субъектілерін жеңіл­дікпен несиелеу бағдарламасы» деп өзгергенін де атап өткен жөн. Бағдарлама Мемлекет басшысының тапсырмасы бойынша биылғы нау­рызда қабылданған болатын. Ол төтенше жағдай кезінде зардап шеккен кәсіпкерлерді қолдауға бағытталған.

Осы жылдың 18 қарашасын­­дағы деректер бойынша екінші дең­­­гей­лі банктер 567,4 млрд теңгеге 2 311 өтініш қабылдаған. 1 370 ша­­ғын және орта кәсіпкерлік субъек­­ті­сі­не 455,3 млрд теңге қарыз бе­ріл­­­ді. Оның ішінде 101,6 млрд тең­ге бұ­рын берілген қарыздарды өтеу­­ден түскен ақша есебінен үлестірілді.

Бөлінген қаражаттың негізгі үлесі сауда саласындағы шағын және орта бизнес субъектілеріне (319 млрд теңге немесе жалпы соманың 70 пайызы), құрылысқа (44,9 млрд теңге немесе 9,9 пайыз), өңдеуші өнеркәсіпке (39,8 млрд теңге немесе 8,7 пайыз) тиесілі.