ADAL партиясы өкілдерінің халықпен кездесулері жалғасып жатыр. Жиын барысында тұрғындар түйткілді мәселелерді талқылап, күнделікті өмірде кездесетін қиындықтарымен бөліседі.
Кеше кандидат Ләззат Шыңғысбаева Алматы облысының халқымен кездесті. Ол Балқаш ауданына Бақанас ауылының тұрғындарымен жүздесіп, олардың пікірін тыңдады.
Ләззат Шыңғысбаева партияның басымдықтары туралы айта отырып, халықтың қажеттілігіне басымдық берілетінін ерекше атап өтті. Ал ауыл тұрғындары өздерін толғандырған тақырыптарды қозғады.
Осылайша, ауыл тұрғындары ипотека бойынша сатып алынған тұрғын үй үшін артық төлем сомасы тым көп екеніне наразылық білдірді. Олардың айтуынша, қазіргі сома тым көп. Яғни ипотека алғандар пәтер үшін екі есе артық төлем жасайды. Ауыл халқы пайыздық үстемақы негізгі қарыздан асып кететініне наразы.
Тұрғындардың пікірінше, тым артық төлем тұрғын үй құрылысының мемлекеттік бағдарламалары аясында да қарастырылған. Есімін жарияламауды сұраған көп балалы ана азық-түлік бағасының тұрақты өсуіне шағымданады.
«Тауарлардың негізгі түрлерінің бағасын ұстап тұру үшін мемлекеттік орган мен заңды негіз жоқ па еді? Бағалар шексіз өсе береді, ал табысымыз өзгермей, бұрынғыдай қала береді», дейді ол.
Ауылдың тағы бір тұрғыны бюджет қаржысының қаншалықты тиімді жұмсалатынына алаңдаушылық білдірді.
«Мен жыл сайын абаттандыруға, жаңа нысандарға мол қаражат бөлінетінін білемін. Бірақ жұмыс сапасына күмән бар. Міне, қазір біздің ауылда балабақша салынып жатыр. Оған 250 миллион теңге бөлінді. Ал бұл ақша қалай жұмсалады? Бұл сұраққа кім жауап береді? Жалпы, ақшаның қалай жұмсалатынына халықтық қатаң бақылау қажет», дейді ол.
Атырау облысындағы қолайсыз эпидемиялық жағдайға байланысты Мәжіліс депутаттығына үміткер Мақсат Толықбай мен Дәулет Мұқаев онлайн-режімде халықпен кездесу өткізді. Олар елдегі әлеуметтік-экономикалық жағдайға жүргізілген талдау негізінде партияның міндеттері туралы айтып берді. Тікелей эфир барысында көрермендер өздерін мазалаған сұрақтарды спикерлерге қойып отырды.
Мәселен, қатысушылар негізінен халықтың әлеуметтік әл-ауқатын жақсартуға қатысты ұсыныстарға назар аударды. Спикерлердің айтуынша, әлеуметтік сала басты мақсатқа айналмақ. Оны іске асыру үшін бюджет қызметкерлерінің орташа жалақысын 200 мың теңге деңгейіне дейін арттыру, фермерлердің мемлекеттен субсидия алу жағдайын жақсарту, проблемалық несиелерге рақымшылық жасау, ауылдағы тұрғын үй құрылысын жандандыру, ауылдық жерлерде жаңа жұмыс орындарын құру және басқа да мәселелерді ілгерілету жоспарда бар.
Нұр-Сұлтан қаласында ADAL партиясының филиалы ұйымдастырған бос жұмыс орындарының жәрмеңкесі өтті. Жиын барысында 20-ға жуық жұмыс беруші бос жұмыс орындарын ұсынды. Жәрмеңкеге 70-тен астам елордалық жұмыс іздеп келді.