Облыстық қаржы полициясының қызметкерлері құны 1 миллион 620 мың АҚШ доллары тұратын тепловоздарды заңсыз сыртқа шығару фактісін анықтады. Осыған байланысты қаржы полициясы «Желдоркомпания» жауапкершілігі шектеулі серіктестігіндегі лауазымды адамдардың үстінен қылмыстық іс қозғады.
Облыстық қаржы полициясының қызметкерлері құны 1 миллион 620 мың АҚШ доллары тұратын тепловоздарды заңсыз сыртқа шығару фактісін анықтады. Осыған байланысты қаржы полициясы «Желдоркомпания» жауапкершілігі шектеулі серіктестігіндегі лауазымды адамдардың үстінен қылмыстық іс қозғады.
Оларға Ресейге ТЭМ-18 маркалы екі тепловозды жөндетеміз деген желеумен заңсыз апарған деген күдік тағылып отыр. Сөйтіп, жалған құжаттар дайындап, тепловозды дайындаған зауыт нөміріне дейін өзгертіп жіберген.
Жемқорлар піте секілді, тісі өтсе ешнәрседен қаймықпай жей береді. Енді оларға тепловоз да түк болмай қалғаны ғой. Ал бұл техника «Желдоркомпания» мен акцияларының бақылау пакеті «Самұрық-Қазына» Ұлттық әл-ауқат қорына тиесілі «Альянсбанк» акционерлік қоғамы филиалының арасындағы қаржылық лизинг келісімшартына сәйкес кепілде тұрған зат екен.
Қылмыстық іс тексерілуде.
Нәзира ЖӘРІМБЕТОВА,
«Егемен Қазақстан».
ҚОСТАНАЙ.