Көшбастар азамат

Туған жерінің мәртебесін ас­қақтатып, өз өлкесінің өсіп-өркендеп, көркеюіне үлес қосып жүрген азаматтардың бірі де бі­регейі Мағауия Ақтөреұлы Мер­ғалиев. Ол 1961 жылы 27 шіл­деде мұнайшылар отбасында дүниеге келген. Жылыой ау­да­нының 10 жылдық мектебін тәмамдап, Отан алдындағы әскери борышын абыроймен өтеп келеді. 1981 жылы Алматы қаласындағы Ленин атындағы политехникалық институтының даярлық курсына түсіп, 1987 жылы тау-кен ин­женері мамандығын алып шық­ты. Отбасында алған ұлағатты тәр­бие мен арманын ұштастырып Мағауия Ақтөреұлы еңбек ету үшін туған өлкесіне оралады. Ең­бек жолын ұңғымаларды күрделі жөндеу мекемесінде шебер ре­тінде бастап, қызметтік сатыда бө­лім бастығына дейін көтерілді.

Туған жерінің мәртебесін ас­қақтатып, өз өлкесінің өсіп-өркендеп, көркеюіне үлес қосып жүрген азаматтардың бірі де бі­регейі Мағауия Ақтөреұлы Мер­ғалиев. Ол 1961 жылы 27 шіл­деде мұнайшылар отбасында дүниеге келген. Жылыой ау­да­нының 10 жылдық мектебін тәмамдап, Отан алдындағы әскери борышын абыроймен өтеп келеді. 1981 жылы Алматы қаласындағы Ленин атындағы политехникалық институтының даярлық курсына түсіп, 1987 жылы тау-кен ин­женері мамандығын алып шық­ты. Отбасында алған ұлағатты тәр­бие мен арманын ұштастырып Мағауия Ақтөреұлы еңбек ету үшін туған өлкесіне оралады. Ең­бек жолын ұңғымаларды күрделі жөндеу мекемесінде шебер ре­тінде бастап, қызметтік сатыда бө­лім бастығына дейін көтерілді.Бізге осындай заманда алға сүй­рейтін, алдағыны ертерек ойлайтын азаматтар керек еді сол таңда. Қызметін абырой­мен атқара жүріп, «Мұнай Сервис, ЛТД» мекемесін ашып, 14 жылдан бері Жылыой өңірінде ұң­ғымаларды қазу, күрделі жөн­деу жұмыстарымен айналы­сып келеді. Осы жылдар ара­лы­ғын­да кәсіптік әлемде тасы өрге домалап, қосымша «НИА Дрил­линг», «Триас Дриллинг», «БАМСтрой» мекемелерін аш­ты. Бүгінде 450-дей адамды жұ­мыспен қамтамасыз етіп отыр. Аталған кәсіпорындардың бар­лығы Жылыой ауданының эко­номикалық өсуіне елеулі үлес қосып отырған мекемелер. Мағауия Ақтөреұлы өнімді ең­бе­гін, өрелі ақыл-ойы мен қай­рат-жігерін тәуелсіз елінің гүл­денуіне, өркендеуіне жұмсап жүр. Елінің дәулетті де сәулетті бо­луын өндіріс орындарын ашуы­мен, еңбек көрігін қыздыруымен дәлелдеді. Бүгінгі нарық заманы нардың жүгін арқалар, намысын найзағайға жаныған, іс тетігін іл­кім­ді алып жүрер басшыны талап етеді. Көңілі көреген, көкірек көзі сәулелі жігіт қана діттегеніне же­теді. Ол өз бойындағы қуат-күшін өн­діріс өнімділігін арттыруға ая­ған емес. Сондықтан оның жұрт алдында беделі биік, берері көп. Адам бойындағы асыл қа­сиет­тер мінезден туындайды. Оның туабітті ұстамдылығы, ақи­қат пен әділеттілікті ас­қақ қоятындығы, бауырмал жана­шыр­лығы, халық мүддесіне қыз­мет етуге құлшынысы абыройын асқақтата түсті. «Асыл адам айнымас», деп Абай айтқандай, оның асып-тасқан, кеуде керген, менменсіген кезін көрмейсіз. Сөзі мен ісі бір арнада тоғысып, толағай табыстарға қол жеткізсе де мінез сұлулығынан, мәрттігінен, әдептілігінен ай­ныған жоқ. Отбасында жарымен бірге екі ұл, екі қызды тәрбиелеп отыр. Шаңырақтағы жарасымды тірлігімен, дос-жаранға сый­ластығымен, балаларына көр­сеткен үлгі-өнегесімен де оның орны шоқтықтана түседі. Ердің еңбегін бағалау, маңдай тердің қадір-қасиетін сезіну, соған лайық құрмет көрсету – бас­ты ұстанымы. Осы арқылы ол парасат шыңына шықты. Осындай азаматтың арқасында бір өңірдің халқы жұмыспен қамтылып, кәсібінің нәсібін көріп отыр. Туған жерде терін төккен Мағауия Ақтөреұлының еңбегі еленіп «Ерен еңбегі үшін» медалімен марапатталды. Мағауия Мерғалиев басшылық етіп отырған мекемемен іскерлік қарым-қатынас жасағанымызға да төрт жыл болыпты. Осы уақыт ішінде кәсіпкер ретінде сөзіне берік, өз ісінің білікті маманы екеніне көзіміз жетті. Қиын-қыстау кезде әркімге қол ұшын созуға дайын, адамгершілігі мол, қайырымды жан. Қай жа­ғы­нан алса да инабатқа лайық иман­жүзді тұлға. «Жақсыменен отыр­ған жарты сағат, өтіп кеткен жаманның өміріндей», деп қара өлеңде айтылғандай, қашанда оны көруді, пікірлесуді аңсап тұрасың.

Құрметті Мағауия Ақтөре­ұлы! Азаматтығыңыз бен пара­сат­тылығыңыз іскерлік әлемінде сізді тек жетістіктерге жетелеп, табыстарға кенелтті. Бейнеттің де зейнеті болады. Еңбегіңіз мемлекет тарапынан еленіп жатса – ол қажырлы еңбегіңіздің қайтарымы. Кәсіпкерлік сабақтастығымыз үзілмей, әрдайым байланыс­та боламыз деген сенімдеміз. Ту­ған жерінің дамуына үлес қо­сып, халқымыздың тұрмыстық ахуа­лының жоғарылауына себепші болар өзіңіздей азаматтар көбейе берсін. Алар асуыңыз, шығар шыңыңыз биіктей берсін!

Сізді және «Мұнай Сервис, ЛТД» ЖШС ұжымын келе жатқан Жа­ңа жыл мейрамымен шын жү­ректен құттықтаймыз. Жаңа жылда денсаулық, еңбекте табысты бо­луға тілектеспіз.

Ізгі тілекпен: «УчетСервисКачество» ЖШС ұжымы.

Құттықтаймыз!

Аса құрметті Мағауия Ақтөреұлы!

Сізді «Ерен еңбегі үшін» медалінің иегері болуыңызбен және Жаңа жыл мерекесімен шын жүректен құттықтаймыз! Сізге зор денсаулық, отбасыңызға амандық тілей отырып, Қазақ елінің игілігі, баянды болашағы үшін еткен еңбектеріңізге үлкен табыстар мен жетістіктер тілейміз.

Сіз болашақта да мұнай бұрғылау саласындағы абыройлы істеріңіздің жеңісі мен жемісін көріңіз! Қиындығы мен қызығы мол жұмысыңыздың ырысы мен берекесін берсін.

Сіздің келешекте де егеменді еліміздің жаңа белестеріне жетуіңізге, бақытты да баянды ұзақ өмір сүруіңізге тілектеспіз!

Ізгі тілекпен: «Мұнай Сервис, ЛТД» ЖШС ұжымы.