Абай атындағы ҚазҰПУ-да АҚШ-тың Алматыдағы Бас консулы Эрик Майермен кездесу өтті. Эрик Майер Сорбонна-Қазақстан институтының және басқа институттардың студенттеріне дәріс оқып, университеттерді интернационалдандырудың маңыздылығын атап өтті.
Кездесу барысында Эрик Майер университеттің халықаралық қызметімен - АҚШ және басқа елдердің жоғары оқу орындарымен ынтымақтастық, сонымен қатар білім және ғылым саласындағы жетістіктерімен таныстырылды. Сондай-ақ, ынтымақтастық мәселелері, атап айтқанда, Абай атындағы ҚазҰПУ оқытушыларына арналған Американдық Кеңестің Педагогикалық Университетін дамыту бағдарламасы аясында университет оқытушыларының біліктілігін арттыру курстарының екінші кезеңі де талқыланды.
Алдағы уақытта университет пен Бас консулдықтың байланысы нығайып, дамитын болады.