«Хабар» телеарнасында жастар пікір таластыратын бағдарлама ашылмақ. Бұл туралы Ақпарат және қоғамдық даму министрлігінің Этносаралық қатынастарды дамыту комитеті төрағасының орынбасары Еркін Үйсімбаев айтты, деп хабарлайды Egemen.kz
«Біз «Жарасым» республикалық жастар ұйымы базасында жас көшбасшылардың, Қазақстан халқы Ассамблеясы, этномәдени бірлестіктер мүшелерінің, танымал блогерлердің, волонтерлердің, қайырымдылық ұйымдары өкілдерінің, журналистер мен мемлекеттік қызметшілердің қатысуымен жас буынды толғандыратын өзекті мәселелерді талқылауға арналған «Жалынды жастар» пікірталас алаңын құруды ұсындық», деді Е. Үйсімбаев.