Мұғалімдер біліктілігін көтеруге ғылыми тұрғыдан қарауымыз қажет
Міне, бір жыл бойы педагогикалық кадрлардың біліктілігін арттыру жүйесі жаңа форматта жұмыс жасап келеді. Президент Нұрсұлтан Назарбаевтың тапсырмасы бойынша жүргізілген білім беру жүйесін жаңарту үрдісі педагогикалық кадрлардың біліктілігін арттырудың инновациялық моделін – «Өрлеу» біліктілікті арттыру ұлттық орталығы» акционерлік қоғамын құруға мүмкіндік берді.
Мұғалімдер біліктілігін көтеруге ғылыми тұрғыдан қарауымыз қажет
Міне, бір жыл бойы педагогикалық кадрлардың біліктілігін арттыру жүйесі жаңа форматта жұмыс жасап келеді. Президент Нұрсұлтан Назарбаевтың тапсырмасы бойынша жүргізілген білім беру жүйесін жаңарту үрдісі педагогикалық кадрлардың біліктілігін арттырудың инновациялық моделін – «Өрлеу» біліктілікті арттыру ұлттық орталығы» акционерлік қоғамын құруға мүмкіндік берді.
Қазірде кадрлық құрамды және оның әлеуетін дамыту үшін барлық жағдай жасалуда. Біліктілікті арттыру жүйесіне ғылыми тұрғыдан келмей, тиімді нәтижеге қол жетпейтіні белгілі болып отыр. Өйткені, білім беру саласында жүргізіліп жатқан реформалар жаңа формациялы мұғалімді даярлауды қажет етеді. Саладағы ғалымдар мен тәжірибелі мамандар жұмысының үйлесімділігі, сонымен бірге, барлық облыстық біліктілікті арттыру институттарын бір құрылымға біріктіру осы міндеттің ең дұрыс шешімі ретінде танылады.
«Өрлеу» біліктілікті арттыру ұлттық орталығының Қостанай облыстық филиалы – педагогикалық қызметкерлердің біліктілігін арттыру институтының материалдық-техникалық базасы заман талабына толық сай келеді. Онда 5 компьютерлік сынып бар, оның біреуі планшетпен жабдықталған, білімін арттыру үшін келген мұғалімдердің ізденуіне өте қолайлы. Бізде оқытушылар құрамының әлеуеті де жоғары, олардың арасында ғылым кандидаттары бар. Қатарымызға жаңаша ойлайтын тегеурінді жастардың қосылуы да сенімділікті арттыра түседі. Бірақ осы материалдық база мен профессорлар құрамының әлеуеті, олардың білімі мен тәжірибесі толық қуатында пайдаланылып отырылған жоқ. Оған осы саладағы мемлекеттік тапсырыстың азаюы мен шынайы емес бәсеке басты себеп болып отыр. Материалдық-техникалық базасы сын көтермейтін, оны жасайтын ғимараты жоқ мекеме мен материалдық базасы мықты, тәжірибесі мен білімі жоғары деңгейдегі оқытушылар құрамы бар институтты салыстыруға бола ма? Білім беру саласындағы бәсеке шынайы болса игі.
Осы жылы филиал оқытушыларының 200-ден артық ғылыми мақаласы жарық көріп, 55 әдістемелік құрал, ұсынымдар мен бағдарламалары басып шығарылды, соның ішінде: «Техникалық және кәсіптік білім беру ұйымдарында дуальді білім беру жүйесін енгізу» әдістемелік ұсынымдары, «Педагогтың кәсіби дамуын психологиялық қолдау», «Зерек бала» мектепке дейінгі тәрбие беру және оқыту бағдарламасы, тағы басқа да көптеген республикалық, өңірлік және облыстық деңгейдегі іс-шаралар жоғары ғылыми-әдістемелік дәрежеде өткізілді. Уақыт талабына сәйкес мерзімді баспа өнімдерінің санын арттыру қажеттілігі туындады. Қазір біздің кадрлық және ресурстық әлеуетіміз «Білім-инфо» ақпараттық-әдістемелік журналын, «Вестник Өрлеу – kst» ғылыми-әдістемелік журналын, «Өрлеу – Қостанай дауысы» газетін, «Тренер – education» республикалық ақпараттық-әдістемелік журналын шығаруға мүмкіндік береді.
Мұғалімдердің біліктілігі оларды дайындайтын оқытушы-профессорлар құрамының жұмысына тікелей байланысты. Сондықтан, алдымен институтта жаңа форматты оқытушы-тренерлерді дайындау орталықтарын ашуға тиіспіз. Республикалық, халықаралық деңгейдегі конференциялар мен семинарларға қатысу жаңа ізденістерге бастайды. Білім саласында үйренетін үздік тәжірибесі бар Солтүстік Корея, Ұлыбритания, Франция, Австралияда біліктілікті арттыру бізге шетелдік тәжірибенің жетістіктерін зерттеу мен қазіргі жағдайға бейімдеуге, сол арқылы біліктілікті арттырудың инновациялық моделін жасауға көмектеседі. Әрине, сырттан үйрену ұзақ жылдар қалыптасқан отандық тәжірибені кері итеру деген сөз емес, қайта оны шетелдік озық әдістемелермен дамыта, жаңғырта түсуіміз қажет.
Бүгінгі таңда «Өрлеу» біліктілікті арттыру ұлттық орталығы» акционерлік қоғамы – мобильді, болып жатқан өзгерістерге тез және уақтылы икемделе білетін, педагогикалық кадрлардың біліктілігін арттыруды жоғары ғылыми-әдістемелік деңгейде өткізуді қамтамасыз ететін құрылым.
Марионелла СЛЕСАРЬ,
«Өрлеу» біліктілікті арттыру ұлттық орталығының
Қостанай облыстық филиалының директоры.