Қостанай облысында 1 ақпанда медицина қызметкерлеріне вакцина егу басталған еді, араға бір ай салып, полицейлер мен мұғалімдерге де кезек келіп жетті, деп хабарлайды Egemen.kz.
Аталған екі саланың қызметкерлеріне наурыздың бірінен бастап екпе жүріп жатыр. Педагогтар арасынан алғашқылардың бірі болып облыстық білім басқармасының басшысы Зәуре Бәйменова екпе салдырды.
- Коронавирустық инфекцияны жеңудің жалғыз жолы – екпе салдырту. Вакцинацияны өте ұзақ күттік, енді біздің әріптестеріміз қолдайды деп үміттенемін. Вакцинация салдырту әркімнің өз еркіндегі шаруа, ешкім ешкімді мәжбүрлемейді. Алайда біздің міндетіміз сала басшысы ретінде түсіндіру жұмыстарын жүргізу, - деді басқарма басшысы.