Қазіргі кезде бірқатар басылымда Түркияның «Бандырмаспорт» клубының шабуылшысы Ласина Траоренің «Астанаға» ауысуы мүмкін деген ақпарат таралып жатыр, деп хабарлайды Egemen.kz
Ласина Траоре 1990 жылдың 20 тамызында Кот-д’Ивуардың Абиджан қаласында туып-өсті. Бойы – 203 сантиметр, салмағы – 94 кило. Кәсіпқой футболшы ретінде өз карьерасын «Стад Абиджанда» бастады. Кейіннен ЧФР (Румыния, 2008-2011, 2019-2020 жылдары), Кубань (Ресей, 2011-2012), Анжи (Ресей, 2012-2013), «Монако» (Франция, 2014-2018), «Эвертон» (Англия, 2014), «Спортинг» (Португалия, 2017), Амьен (Франция, 2017-2018) және Уйпешт (Мажарстан, 2019) клубтарының сапында өнер көрсетті.
2012-2015 жылдары Кот-д’Ивуардың ұлттық құрамасы сапында өнер көрсетіп, 13 кездесуде 4 гол соқты. 2015 жылы Ласина Траоре Африка ұлттары кубогының жеңімпазы атанды.