ҚР Президенті Қасым-Жомарт Тоқаев жерді шетелдіктерге сатуға біржола тыйым салатын заң жобасын Мәжіліске жолдады. Мемлекет басшысы бұл туралы twitter-дегі парақшасында жазды, деп хабарлайды Egemen.kz
«Бүгін мен өзімнің Президент ретінде заң шығаруға бастамашылық ету құқығымды пайдаланып, жерді шетелдіктерге сатуға және жалға беруге біржола тыйым салуды көздейтін заң жобасын Мәжіліске жолдадым. Парламент оны белгіленген регламентке сәйкес қарастырып, тиісті шешім қабылдайды», деді Мемлекет басшысы.