Біріккен Араб Әмірлігінің ірі қаласы Дубайда өткен бокс кешінде венесуэлалық Эбер Рондоны (20-1, 13 КО) бірінші раундта нокаутпен жеңген Тұрсынбай Құлахметтің (3-0, 2 КО) гонорары белгілі болды, деп хабарлайды Egemen.kz.
Аралас жекпе-жек бойынша сарапшы Айдар Махметов ұсынған дерекке сенсек, бірінші орта салмақтағы WBC International тұжырымының чемпионы Тұрсынбай Құлахмет осы жекпе-жектегі жеңісі үшін 210 мың АҚШ долларына ие болыпты.
Сонымен бірге, қазақстандық былғары қолғап шебері өте беделді BoxRec рейтингінде бірден 48 сатыға көтеріліп, 139-орынға табан тіреді.