Норвегияда бірінші сынып оқушысы Хенрик Рефснес Мёртведт мектеп экскурсиясы кезінде жерден шыққан ерте викинг дәуіріне жататын бірқабатты қылышты кездейсоқ тауып алды. Археологтар тапқан заттың шамамен 1300 жылдық екенін айтып отыр, деп жазады Egemen.kz.
Bild мәліметінше, Хенрик алқапта жерден шыққан қышқыл металдан жасалған затты байқап, оны тартып алмақ болыпты. Кейін анықталғандай, бұл шамамен 1,3 метрлік ежелгі біржақты қылыш болып шыққан. Балалар мен мұғалімдер тауып алған затты аудандық билікке хабарлаған, кейін оны мамандарға тапсырған.
Ақмола облысында бірінші сынып оқушысының бетін ит тістеп алған
Археологтардың айтуынша, артефакт Меровингтер дәуіріне немесе викингтер дәуірінің ерте кезеңіне тиесілі болуы мүмкін. Сарапшылар аймақ әлі де маңызды археологиялық жаңалықтар әкеліп отырғанын атап өтті. Жуырда Норвегияда әуесқой іздеушілер шамамен 1000 жылы жасалған үш мыңға жуық күміс тиынды қамтитын ең ірі викинг қазынасын тапқан. Қазына табылған жер мектеп оқушысы тапқан қылыштан шамамен 170 километр жерде.
Қазіргі таңда қылыш Осло музейінде сақтаулы, мұнда мамандар оны жан-жақты зерттейтін болады. Кейін ол музей экспозициясына қойылады.
Мектептерде оқушыларға смартфон қолдануға тыйым салынуы мүмкін