Өскеменде абақтыға екі ұялы телефонды шай қорапшасына тығып кіргізбек болған азамат ұсталды, деп хабарлайды Egemen.kz.
Абақтыға сәлемдеме беруге келген азамат ОВ-156/2 мекемесінде жазасын өтеп жатқан сотталғанға екі ұялы телефонды шәй қорапшасына тығып бермек болған жерде ұсталды.
– Азық-түлікті тексеру кезінде колония қызметкерлері шай пакетінен екі ұялы телефон мен SIM-картаны тауып, тәркілеген. Азаматтың айтуынша, сәлемдемені оған сотталушының әпкесі беріп, колонияда жазасын өтеп жатқан інісіне апарып беруді өтінген екен. Сондай-ақ ол сәлемдемеде ұялы телефонның жасырынғанын мүлде білмейтінін түсіндірді, – деді облыстық Қылмыстық атқару жүйесі департаментінің бастығы Жанболат Қалетаев.
Аталған факті бойынша алғашқы материалдар жиналып, қызметтік тексеру жүргізілуде. Кінәлі адам әкімшілік жауапкершілікке тартылатын болады.