Қостанай облысында вакциналау мәжбүрлі түрде тоқтатылды, деп хабарлайды Еgemen.kz.
Оған себеп – «Спутника V» вакцинасының бірінші компонентінің таусылуы.
Вакциналау басталғалы Қостанай облысында 30 мыңға жуық адам егілді.
Қостанай облысы денсаулық сақтау басқармасы бастығының орынбасары Анжела Бексұлтанованың айтуынша, вакцина қазір Нұр-Сұлтанда.
«Ертең біздің аймаққа шамамен 5 мың доза вакцина келеді. 25-26 күндері шамамен 21 мың доза келеді, ал 28 сәуірге қарай 6 мыңға жуық доза күтудеміз», деп түсіндірді А.Бексұлтанова.