Кеше әлеуметтік желілерге мониторинг жасау кезінде полиция қызметкерлері белгісіз азаматтың Қазақстан Республикасы Қылмыстық Кодексінің 174-бабында көрсетілген «Ұлттық алауыздықты қоздыру» белгілері бар бейнеүндеуін анықтады, деп хабарлайды Egemen.kz Қарағанды облыстық полиция департаментінің баспасөз қызметіне сілтеме жасап.
Жедел іздестіру іс-шаралары барысында тәртіп сақшылары аталған бейнежазбаның авторы – Жезқазған қаласының 27 жастағы тұрғынын анықтап, қамауға алды. Қазіргі уақытта сотқа дейінгі тергеу амалдары басталып, тиісті сараптамалар тағайындалған.