«Бизнестің жол картасы 2025» бағдарламасы аясында кәсіпкерлердің 666 жобасы несиелендірілді, деп хабарлайды Egemen.kz.
Несие портфелі өткен жылмен салыстырғанда 6 есеге ұлғайған. Бұл туралы өңірлік коммуникациялар қызметінде облыстық кәсіпкерлік және туризм басқармасының басшысы Фердоуси Қожабергенов мәлімдеді.
- Аймақта 528 жоба екінші деңгейлі банктердің "скоринг" бағдарламасы арқылы мақұлданды. Қаржыландырылған жобалардың басым бөлігі пандемия шектеулерінен қиындық шеккен бөлшек сауда, жолаушылар тасымалы, қоғамдық тамақтану және шағын қызмет саласында жұмыс жасайтынкәсіпкерлік субъектілерінің үлесіне тиіп отыр. Сондай-ақ, өткен аптада бақылау кеңесінің отырысында ауылдық елді мекен кәсіпкерлерінің 143 жобасы мақұлданды, - деді Фердоуси Әбілқасымұлы.
Биыл облыстық бюджеттен шамамен 30 жобаны қайтарымсыз грант арқылы қаржыландыру жоспарлануда. Бұдан өзге, қаржы ұйымдары арқылы жыл басынан бері 41 адам шағын несиеменқамтамасыз етілді. Айта кету қажет, өңірде соңғы бес жылдықта шағын және орта бизнес өнімі 13,5 %-дан 17,8 %-ға дейін ұлғайған.