Балалар лагері дайындыққа кірісті

– Оқушылардың жазғы демалысын ұйымдастыруға дайындық  жұмыстары жү­ріп жатыр. Облыста қала сыртына орналасқан 10 шақ­ты балалар лагері бар. Олар қазір демалыс орнының аумағын тазар­тып, маңайындағы су қой­маларының жағалау­ларын жөнге келтіруде. Қазір ба­лалардың жазғы демалы­сын ұйымдастыратын ме­ке­ме­лердің бәрі мем­лекет­тік сатып алуға қаты­сып, санитарлық-эпи­демиялық­ рұқсат алу жұмыс­та­рын жүр­гізіп жатыр, – деді об­лыстық білім бас­қарма­сы­ның баспасөз хатшысы Анна Лазарева. 

Түптеп келгенде, ба­лаларға арналған сауық­тыру лагерьлерінің жұмыс істеу, істемеуі өңірдегі эпи­­­демиялық жағдайға бай­ланысты болайын деп тұр. Нақты қай демалыс орнының қалай жұмыс істейтінін өңірлік жедел штаб шешеді. А.Ла­за­рева­ның сөзінше, алдағы ай­да интернат ме­кемелері мен ерекше білім беру қа­жеттілігі бар балалар үшін 4 демалыс орны ашылады. Бұлар – «Алтынгүл», «Лесная сказка», «Болашақ» және Бәкіров атындағы лагерьлер. Бұл сауықтыру орындарында бір ауысым­ның өзінде 640-тан астам бала демалатын болады.

Ал қатардағы мектеп оқушы­лары қалған 6 лагерьде демалады. Бірақ олар жұмысқа кіріспес бұ­рын белгілі бір талаптар­ды орындауы шарт. Мы­са­лы, мұндай демалыс орын­дарының бі­ріне шамамен екі жүздей бала сыятын болса, лагерь мекемесі соның жартысын ғана қабылдауы тиіс. Сондай-ақ лагерьге жазғы демалысын өткізу үшін келген әр баланың денсаулық жағдайы туралы құжаты, жұқпалы ауруы барлармен, соның ішінде COVID-19 жұқтырғандармен байланыста болмағанын растайтын анық­тамасы болуы керек. Ең бастысы, жаз­ғы лагерьде демалғысы ке­летін балғындарда зертха­надан «талдау нәтижесі ко­ронавирусқа теріс нәти­же көрсетті» деген зерт­ха­налық құжаты болуы шарт. Бұл құжаттың мерзімі 72 са­ғат­тан асып кетсе, жарамсыз болып қалады. 

Ал мектеп жанындағы дема­лыс орындарының биыл жұ­мыс істеу-істемеуі екіталай.  Бі­лім бас­қар­масындағылар бұл­ мәсе­ленің таяу күндері шеші­летінін айтты.