Елордада тұрғын үй өртенді, деп хабарлайды Egemen.kz Нұр-Сұлтан қаласы ТЖД баспасөз қызметіне сілтеме жасап.
«Нұр-Сұлтан қаласының ТЖД бөлімшелері сағат 13:13-те Жангелдин көшесі, 38/3 мекенжайында орын алған өрт жағдайы бойынша шақырту орнына барды. Өрт сөндірушілер келген бойда ғимараттың шатыры, жалға алынған тұрғын үй және кеңсе бөлмелері жанып жатқаны анықталды. Өрт сөндіру орнына Нұр-Сұлтан қаласы ТЖД жеке құрамының 22 қызметкері мен 5 техникасы жұмылдырылды», делінген хабарламада.
Өрт кезінде қаза болғандар мен зардап шеккендер жоқ.