Арал ауданының әкімі ауысты

Аймақ басшысы Гүлшара Әбдіқалықова жаңа әкімді Арал ауданында өткен жиында таныстырды.   Серік Сермағамбетов 1965 жылы туған. Экономист, заңгер.   Еңбек жолын 1988 жылы Балық шаруашылығы министрлігінің материалдық-техникалық жабдықтау орталық базасының аға экономисті болып бастаған.   1991-2018 жылдары Қызылорда облысы әкімі аппаратында аға инспектор, Қызылорда қаласы әкімінің қаржы шаруашылық басқармасының бастығы, Қызылорда қаласы әкімі аппаратының жетекшісі, Шиелі ауданы әкімінің орынбасары, облыстық кәсіпкерлік және өнеркәсіп басқармасының бастығы, Жалағаш ауданының әкімі секілді қызмет еткен.   Қызылорда облысының жұмылдыру дайындығы басқармасының басшысы лауазымында болған.   2018 жылдан бастап осы кезге дейін «Қызылорда облыстық кәсіподақтар орталығы» аумақтық кәсіподақтар бірлестігінің төрағасы қызметін атқарып келді.