Батыс Қазақстан облысы Бәйтерек ауданы Зеленый ауылында тұрғын үй өртеніп кетті, деп хабарлайды Egemen.kz БҚО ТЖ департаментінің баспасөз қызметіне сілтеме жасап.
Сағат 09.44-те Пролетар көшесі 3-мекенжайда жеке тұрғын үйдің төбесі мен кіреберіс бөлмесі отқа оранды. Өрт аумағы 100 шаршы метрді құрады.
Зардап шеккендер жоқ.
Алдын ала мәліметке сүйенсек, өрт электр сымының қысқа тұйықталуынан шыққан.
Қызыл жалын сағат 12.10-да ауыздықталды.