Қостанайда Жуковский көшесі бойындағы «Театральный» аралас тауарлар дүкенінде өрт шықты, деп хабарлайды Egemen.kz облыстың ТЖД баспасөз қызметіне сілтеме жасап.
Ведомство атап өткендей, ғимарат – 150 шаршы метр ауданда орналасқан бөлек бір қабатты құрылыс.
«Өрт болған жердегі қиын жағдай қосымша күштерді талап етті. 12:14-те оқиға орнына өрт сөндірушілер жетті. Қостанай облысы ТЖД өрт сөндіру қызметінің күштері мен құралдары, атап айтқанда жеке құрамның 32 қызметкері мен 8 техникасы жұмылдырылды. Тұтану кезінде шатыр отқа оранған, қойма мен ондағы жиһаздар өртенген. Қатты жел оттың көрші ғимараттарға көшу қаупін тудырды», деп түсіндірді департаменттен.
Өрт сөндірушілердің сөзінше, жарылыстың алдын алу үшін олар ғимараттан екі оттегі баллонын шығарған.
«Олар шыққан сәтте ғимараттың шатыры опырылып түскен. Қазіргі кезде өрттің себебі анықталуда. Сәтін салғанда, құрбандар мен зардап шеккендер болмады. Қызыл жалын 14:36-да ауыздықталды», деп түйіндеді ТЖД.