«Мемсараптама» РМК бас директоры болып Қажкенов Қуандық Жұмабекұлы тағайындалды, деп хабарлайды Egemen.kz.
Қуандық Жұмабекұлы С.Сейфуллин атындағы Қазақ аграрлық университетін «Өнеркәсіптік кәсіпорындарды электрмен жабдықтау» мамандығын, сондай-ақ «Көкше» академиясын «Құқықтану» мамандығы бойынша бітірген. Еңбек жолын 2006 жылы инженер-электрик болып бастады. Кейін «Жаңа жобалар» ғылыми-техникалық орталығында» инженер-жобалаушы болып жұмыс істеді.
2009 жылдың мамыр айынан бастап «Мемсараптама» РМК-да түрлі лауазымдарда еңбек етті. Соңғы уақытта «Мемсараптама» РМК бас директорының ақпараттық технологиялар жөніндегі орынбасары болып жұмыс істеген.