Кеше, 10 маусымда қазақстандықтар күннің тұтылуына куә болды, деп хабарлайды Egemen.kz.
Күннің тұтылуы, әсіресе, еліміздің солтүстігінде ұзағырақ сақталған. Павлодар, Өскемен, Семей және Петропавл қалаларында тұтылған күн 36 пайызға көрінген. Аспан құбылысы кешкі 6-да басталып, бір сағатқа созылды. Күнді ай тасалап, дөңгелек диск тәріздес болып көрінді.
Астрофизиктер биыл күн 4 мәрте тұтылатынын айтады. Күннің ең ұзақ уақытқа тұтылған сәті 2010 жылы 15 қаңтарда тіркелген.