«Таубаев пен Басаров ісі» бойынша сот отырысы Нұрлан Таубаевтың ауруханаға түсіп, оған ота жасалуына байланысты тоқтатылды, деп хабарлайды Egemen.kz. Бұл жайында Ақ Жайық басылымында жазылды.
Нұрлан Таубаевтың адвокаты Асқар Таубаевтың сөзінше, 9 маусымда кешке інісінің тергеу изоляторында жағдайы нашарлап, оны облыстық ауруханаға жеткізген.
– Дәрігерлер ұйқы безінен тас тауып, кеше Нұрлан Таубаевқа жалпы наркозбен күрделі ота жасалды. Қазір ол облыстық аурухананың жансақтау бөлімінде жатыр, қазір оның денсаулығына алаңдап отырмыз, - деді Асқар Таубаев.