«Отандастар Қоры» КЕАҚ және «Ұлттық волонтерлік желі» ЗТБ өзара түсіністік пен ынтымақтастық туралы меморандумға қол қойды, деп хабарлайды Egemen.kz.
Меморандумның мақсаты – Қазақстандағы еріктілер қозғалысына қандас жастарды тарту. Қандастарды қолдау мақсатындағы еріктілер жұмысын ұйымдастыру.
Алдағы уақытта екі жақты келісімнің негізінде жоспар құрылып, әртүрлі бағытта жұмыстар атқарылады. Әсіресе, ерікті қандас студенттердің құрамын жасақтау, қандастарға ақпараттық қолдау көрсету, мәдени және білім саласындағы шараларды ұйымдастыру және т.б.
Еске сала кетсек, Мемлекет басшысы 2020 жылды «Еріктілер жылы» деп жариялаған. Осыған орай, ел аумағындағы жастар азаматтық жауапкершілік танытып түрлі салаларда белсенділік танытты. Енді бұл қатарға қандас жастар да қосылмақ.