Санитарлық-эпидемиологиялық бақылау комитетінің төрағасы Айжан Есмағамбетова ПТР тесті тегін ету мүмкіндігі туралы түсініктеме берді, деп хабарлайды Egemen.kz.
«Жұқпалы аурулармен күресте бірде-бір тәсіл вакцинация сияқты нәтиже бермейтінің вакцинация тәжірибесі көрсеткен. Бұл біздің негізгі қаруымыз және ауру жұқтыру, ауруханаға түсу және өлім қаупін болдырмауға бағытталған. Конституция аясында вакцинация ақысыз медициналық көмектің кепілдендірілген көлеміне кіреді», деді Айжан Есмағамбетова.
Оның айтуынша, Бас мемлекеттік санитарлық дәрігердің қаулысымен ПТР тестілеу тегін өткізілетін адамдардың 12 санат бекітілген.
«Бұл клиникалық белгілері бар, науқаспен баланыста болған, жүкті адамдар. Басқа тұлғаларға тегін ПТР тест қарастырылмаған. Вакцинация тегін, ПТР тест мемлекет бюджетінен қаржыландырылмаса да, қазақстандықтардың вакцинация мен ПТР тестің біреуін таңдауға құқығы бар», деді комитет басшысы.