Елімізге 8,7 млн доза вакцина әкелінген. Халықтың 42,8 пайызы екпе ектіріп үлгерген. Бұл туралы Үкіметтің кеңейтілген отырысында Премьер-Министрдің орынбасары Ералы Тоғжанов хабарлады.
Ералы Тоғжанов еліміздегі эпидемиалогиялық ахуал туралы айтып өтті.
«Бүгінгі таңда ауруханаларда екі айға жететін керек-жарақ пен дәрі-дәрмек бар. Қазіргі кезде еліміздің барлық өңірінде карантин талаптары қаталдатылған. Инфекциялық ауруханалар 37 пайызға толық, қосымша 50 мың орын бар», деді Е. Тоғжанов.