Бұған дейін енгізілген карантин шараларының қолданылу мерзімі 11 шілдеде аяқталды, бірақ республика билігі оларды жыл соңына дейін ұзартту туралы қайта шешім қабылдады, деп хабарлайды Egemen.kz.
Армения шекарасынан өту үшін соңғы 72 сағат ішінде жасалған ПТР-анықтаманы ұсыну жеткілікті. Сондай-ақ «Спутник V» немесе басқа да танымал препараттармен иммундаудың толық (екі дозасы) сертификаты болса, елге кіруге болады. Вакцинаның екінші дозасын сапардан кемінде екі апта бұрын салдыру керек. Егер бұл шарттар орындалмаса, турист 14 күн оқшаулануға немесе өз есебінен шекарада ПТР-тестін тапсыруға міндетті.
Бір жасқа дейінгі балаларға бұл талаптар қойылмайды.
Арменияның өзінде арнайы антивирустық шектеулер жоқ. Барлық жердегі сияқты, жабық бөлмелерде әлеуметтік қашықтық пен маска режимін сақтау қажет. Толық вакцина салдырған адамдарға маскасыз жүруге рұқсат етіледі. Қоғамдық тамақтану орындарының, сауда орталықтарының және қоғамдық көліктердің жұмысына тыйым салынбады.