«Витебск-2021» эстрадалық ән орындаушылардың халықаралық байқауының бірінші күні өтті. Ол «Славян базары» өнер фестивалінің ажырамас бөлігі, деп жазады Egemen.kz Dimashnews.com сайтына сілтеме жасап.
«Әлемдік хит» деп аталатын байқаудың алғашқы күнінде қатысушылар әлемдік диаграммаларда жетекші орынға ие болған танымал туындыны орындады.
Бірінші байқау күнінің нәтижелері бойынша ең көп ұпай санын екі қатысушы алды. Қазақстанның өкілі Рухия Байдукенова «Emotions» композициясымен және Сербиядан келген қатысушы Ирина Арсениевич «I surrender» әнімен 70 балдың 69 баллын жинады. Кешті «Rise like a phoenix» әнімен ашқан Украинадан келген қатысушы Рената Штифель 64 ұпаймен көшбасшылар үштігіне кірді.
Байқаудың екінші күні 18 шілде күні кешке өтеді. Онда қатысушылар славян елінің композиторларының эстрадалық әнін славян тілінде оркестрдің сүйемелдеуімен орындайды.