Еркін күрестен Лондон Олимпиадасының қола жүлдегері Ақжүрек Таңатаров Токио Олимпиадасында сынға түсетін қазақстандық атлеттерге сәттілік тіледі. Олимпиада жүлдегері еркін күрес балуандарының жүлдемен келетініне үмітті екенін айтты, жазады Egemen.kz Ұлттық Олимпиада комитетіне сілтеме жасап.
«Олимпиадаға баратын әрбір атлеттің талай жыл бойғы еңбегі ақталса деген тілегім бар. Ал біздің балуандарға тек сәттілік серік болсын! Олимпиада – спорттағы ең басты дода, ең биік шың. Сол додада барлық қабілетіңді іске қосып, соңғы рет күресіп жатқандай бар күшіңді салыңдар дегім келеді.
Әр белдесуге шығарда Бауыржан Момышұлы сынды батырлардың сөзін еске алып, патриоттық сезімдеріңді арттыра түсіңдер! Мен біздің жігіттерге сенемін, Токио төрінде ел намысын абыроймен қорғаңдар», деді А.Таңатаров.