Жедел іс-шараларды өткізу кезінде полиция қызметкерлері Павлодар облысы тұрғынының қаруды заңсыз жасағанын анықтады, деп хабарлайды Egemen.kz Pavlodarnews.kz сайтына сілтеме жасап.
Павлодар облыстық полиция департаментінің мәлімдеуінше, ер адам өз үйінде «ИЖ-18» 16 калибрлі тегіс ұңғылы аңшылық мылтығын қолдан жасаған.
- Қазіргі уақытта аталған факті бойынша Қазақстан Республикасының Қылмыстық Кодексі 288-бабының 1-бөлімі бойынша сотқа дейінгі тергеу жүргізілуде, - деді Павлодар облысы Полиция департаменті Әкімшілік полиция басқармасы бастығының орынбасары Арыстан Дүйсембаев.