«Президент кубогына» қатысады

Бірінші оқу-жаттығу жи­ы­нының соңғы күнінде Юрий Михайлис шәкірттері екіжақты ойын өткізді. Әдеттегідей «ақ» және «көк» жейдеге бөлініп ойнаған бұл матчта «көктер» жағы басым түсті. Қорытынды есеп – 2:0. Осыдан бір апта бұрын өткен кездесуде «ақтар» командасы мықтылық танытқан еді.

Жеңімпаз команданың сапынан жаңа ойыншылар – Крис­тиан Томас пен Коди Куник мер­­­гендігімен көзге түсті. Тағы бір айта кетерлігі, «көктер» құра­мында қақпаны «Барыстың» негізгі қақпашысы Йони Ортио мен Латвия астанасы – Ригада өткен шайбалы хоккейден әлем чем­пионатында Қазақстан құра­масының негізгі қақпашысы болған, жуырда ғана «Барыстың» қа­тарына қосылған Никита Бояркин күзетті.

«Көктер» құрамында Йони Ортио, Никита Бояркин, Әділ Бекетаев, Самат Данияр, Мәди Диханбек, Даррен Диц, Артём Королев, Валерий Орехов, Ста­нислав Александров, Олег Бойко, Дмитрий Гурков, Алексей Зубов, Әли Қасенов, Коди Куник, Крис­­тиан Томас және Роман Стар­ченко ойнады.

Ал «ақтар» сапында Андрей Шутов (қақпашы), Олле Аль­синг, Илайджа Вилио, Эрик Мар­тинссон, Максим Минеев, Роман Савченко, Егор Шалапов, Әли­хан Әсетов, Кертис Волк, Дінмұхамед Қайыржан, Никита Михайлис, Алдияр Нұрлан, Егор Петухов, Кирилл Савицкий, Ар­кадий Шестаков пен Аңсар Шайх­медденов өнер көрсетті.

ҚХЛ-дың былтырғы маусымында «Барыстың» үздік сұр­мергенінің бірі болған шве­­циялық шабуылшы Якоб Лилья матчқа қатысқан жоқ. Клуб баспасөз қызметінің мәліметі бо­йынша, ол жатты­ғулардың бі­рінде аздап жарақат алып қал­ған. Дегенмен Лилья қазір жеке бағдарлама бойынша жаттығып жатыр екен.

Осы ойынмен «Барыс» «Ми­чурин» базасындағы оқу-жат­­тығу жиынын аяқтады. Ен­ді команда «Президент кубо­гы» жарысының алдында қо­ры­тынды дайындығын «Ба­рыс-Аренада» өткізеді. Айта ке­тейік, 11-16 тамыз аралығында өте­тін «Президент кубогына» «Ба­рыстан» бөлек, «Куньлунь Ред Стар» (Бейжің) және «Ди­на­мо» (Рига) командалары қатысады.