Канада билігі Кабулдағы елшілігін күзету үшін арнайы жасақ жібереді. Олар қызметкерлерді эвакуациялауға көмектеседі. Бұл туралы Egemen.kz ТАСС агенттігіне сілтеме жасап хабарлады.
Әскерилер дипломаттарды эвакуациялап, елшілік жабылғанша күзетеді. Әзірге жіберілген әскер саны туралы ақпарат берілмеген.
АҚШ үкіметі бейсенбі күні Кабулдағы елшілігінде істейтін қызметкерлерін қысқартатынын мәлімдеді. Оларды эвакуациялауға АҚШ әскері көмектеседі. Алдағы екі күнде 3 мыңға жуық әскери қызметші осы мақсатта Ауғанстан астанасына келеді.