Отставкасынан кейін елден ұшып кеткен Ауғанстан президенті Ашраф Ғани әйелі Рула және екі кеңесшісімен бірге Өзбекстанға барды. Бұл туралы New York Times газеті анықтаған, деп хабарлайды Egemen.kz.
«Ғани әйелі, кеңсесінің директоры және Ұлттық қауіпсіздік жөніндегі кеңесшісімен бірге Ташкентке ұшып кетті», деп келтіреді басылым президенттің жеке күзетшісінің сөзін.
Ал Facebook желісіндегі парақшасында Ашраф Ғани қантөгістің алдын алу үшін өкілеттігінен бас тартқанын мәлімдеп, жазба жариялаған.
«Талибандар мені тағымнан кетіру үшін түгелдей Кабулға шабуыл жасауға дайын екенін ұқтырды. Қантөгістің алдын алу үшін мен кетуді ұйғардым», деп жазды Ашраф Ғани.
Оның айтуынша, «тәліптер ауған халқының мүлкі мен қауіпсіздігіне жауапты».
«Талибан сотта қарумен жеңді, енді отандастарының абыройы, мүлкі және қауіпсіздігі үшін жауапкершілік алды. Бірақ жүректерді жаулап ала алмады. Тарихта ешқашан жабайы күш ешкімге заңдылық берген емес, бермейді де. Қазір жаңа тарихи сынақтан өтуіміз керек: олар Ауғанстан халқының абыройын төкпейді, не басқа жерлер мен желілерге назарын бұрады», деп жазды Ашраф Ғани.
Бұған дейін Желіде Ауғанстан президенті елден кеткені түсірілген видео жарияланған. Оның қасында оққағарлары болған.
Еске салайық, 15 тамызда «Талибан» террористік қозғалысы Ауғанстанның бүкіл аумағын бақылауға алғанын жариялады. Содырлар Үкіметпен Кабулға бейбіт жолмен кіру мүмкіндігі туралы келіссөз жүргізіп жатқанын және Ауғанстан үкіметі өтпелі кезең аяқталғанға дейін Кабулдың қауіпсіздігі үшін жауап беретінін айтқан.