Жапонияда су асты жанартауы оянып, нәтижесінде жаңа арал пайда болды, деп жазады Egemen.kz Кyodo агенттігіне сілтеме жасап.
Жаңа арал С әрпі тәрізді, диаметрі шамамен 1 километрді құрайды.
Ол жұма күні Ивотодан оңтүстікке қарай шамамен 50 шақырым жерде Огасавара аралдарындағы жанартаудың атқылауынан кейін табылған.
Жапон метеорологиялық агенттігі жанартау белсенділігі жалғасуы мүмкін екенін, жақын маңдағы суларға күл шөгінділері түсетінін ескертті.