Мұндай мәлімдемені Кабулды басып алғаннан кейін «Талибан» қозғалысының алғашқы баспасөз конференциясында топтың ресми өкілі Забихулла Муджахид жасады, деп хабарлайды Egemen.kz Tengrinews.kz-ке сілтеме жасап.
Қазіргі «Талибан» (Қазақстанда террорист деп танылып, тыйым салынған) 20 жыл бұрынғыдан өзгеше: Ауғанстанда билікке қол жеткізген тәліптер адам құқығын, оның ішінде әйелдерді қорғауға, ешкімнен кек алмауға және жалпы күшті ислам мемлекетін құру үшін өткеннің барлық қатесін ескеруге уәде береді.
Мужахидтің айтуынша, Ауғанстанда ислам ережесі болса да, тәліптер әйелдер құқығын құрметтейтін болады. 1996-2001 жылдар аралығында көшеде ұрып-соғып, көпшілік алдында өлім жазасына кесілген, жұмыстан, медициналық көмек пен білім алуға, сондай-ақ ер адамсыз үйден шығуға тыйым салынған.
Баспасөз мәслихаты кезінде олар қыздардың мектептерде, ал әйелдердің жоғары оқу орындарында білім алуына рұқсат бергісі келетіні белгілі болды. «20 жыл бұрынғы «Талибан» мен біздің арамызда үлкен айырмашылық бар», деді Забихулла Муджахид.Сондай-ақ жаңа үкіметтің құрамына ел тұрғындарының барлық фракциясы мен санатын, соның ішінде әйелдерді қосу ниеті айтылды. Тәліптер Кабулдағы содырлардың штаб-пәтерінде ұйымдастырылған «намыс болса, өмір қауіпсіз болады» ұранымен ауған әйелдері наразылығына жауап берді.