АҚШ коронавирус пандемиясына байланысты көліктегі маска режимін 2022 жылдың 18 қаңтарына дейін ұзарту туралы шешім қабылдады, деп хабарлайды Egemen.kz Reuters-ке сілтеме жасап.
Көліктік қауіпсіздік әкімшілігі (TSA) өкілінің айтуынша, аталған шара мақсаты – COVID-19 таралуын барынша азайту. Саяхатта вирус жұқтыру қаупі жоғары. Бұл, әсіресе COVID-19-ға қарсы вакцина алмаған адамдарға қатысты.
Бұған дейін көлікте бетперде кию міндеті 13 қыркүйекке дейін болатын.
Енді маска режимі жолаушылар мен қоғамдық көліктің барлық түріне қолданылады: ұшақ, кеме, пойыз, метро, автобус, такси мен тұрақты маршрутты таксилер. Сондай-ақ масканы әуежайда, автобус немесе паром терминалында, теміржол және метро станциясы мен теңіз порты сияқты көлік тораптарында кию керек.