Ауруды талдау КВИ ауыр ағымы бар науқастардың негізгі үлесі вакцинацияланбаған халыққа тиесілі екенін көрсетті. Бұл туралы денсаулық сақтау министрі А.Цой Үкімет отырысында айтты, деп жазады Egemen.kz.
«Мәселен, 1 ақпаннан бастап тіркелген КВИ-мен ауыратын науқастардың салыстырмалы салмағы 97,5%-ды құрайды. Ал вакцинацияланған азаматтардың тек 2,5%-ы ауырып қалды», деді министр.
Осыған ұқсас жағдай КВИ ауыр ағымымен де қалыптасып отыр, онда реанимациядағы және өкпені жасанды желдетудегі 95%-ы вакцина алмағандарға да келеді. Ұсынылған мәліметтер вакцинацияның тиімділігін тағы бір рет айқын көрсетеді.
Осыған байланысты тағы да халыққа жүгініп, осы уақытқа дейін вакцинацияланбаған азаматтарды вакцинацияның пайдасына дұрыс шешім қабылдауға шақырамын. Бұл бәрімізге өз денсаулығымызды ғана емес, жақындарымыз бен әріптестеріміздің денсаулығын сақтауға мүмкіндік береді», деді Цой.