Жамбыл облысындағы әскери бөлімде орын алған жарылысқа байланысты өңірдегі жүк тасымалы бөлімшесі Тараз-Луговое учаскесінің жұп және тақ жолдары барлық пойыз қозғалысы үшін жабық, деп жазады Egemen.kz.
Тараздан оқиға ошағынан 8-10 шақырым жерде орналасқан Үшбұлақ станциясына өрт сөндіру пойызы келді. Шу станциясынан да өрт сөндіру пойызы жіберілді.
Жүк және жолаушылар пойыздарының қозғалысы тоқтатылды.
Қазіргі уақытта Петропавл-Қызылорда бағытындағы №75 және Маңғыстау – Алматы-2 бағытындағы №78 жолаушылар пойызы, сондай-ақ 14 жүк пойызы тоқтатылды.
«Құрметті жолаушылар!
Техникалық себептерге байланысты:
- №41 Алматы-2 – Атырау бағытындағы;
- №11 Алматы-2 – Шымкент бағытындағы;
- №78 Манғыстау - Алматы-2 бағытындағы;
- №24 Ақтөбе – Алматы-1 бағытындағы ;
- №002 Шымкент – Алматы-2 бағытындағы;
- №72 Түркістан – Алматы-2 бағытындағы;
- №86 Сарыағаш – Нұр-Сұлтан-1 бағытындағы;
-№22 Қызылорда – Семей бағытындағы жолаушылар пойыздарының кешігеді.
Толығырақ ақпарат алу үшін жолаушылар теміржол вокзалдарының анықтама бюросына немесе «105» бірыңғай анықтама қызметіне хабарласуы керек», деп жазады «Қазақстан темір жолы» ҰК» АҚ баспасөз қызметі.