Апат орын алған аумақтан эвакуацияланған тұрғындарға арналып, облыс орталығынан 400-ден астам орын дайындалған, деп хабарлайды Egemen.kz Жамбыл облысы әкімдігі таратқан ақпаратқа сілтеме жасап.
«Қосымша 1000-ға жуық орын дайындау мүмкіндігі қарастырылған. Оның ішінде Тараз қаласында 221 адам арнайы жасақталған жатын орындармен қамтамасыз етілген. Ал Жуалы ауданы Б. Момышұлы ат. ауылында 18 адам тиісті орындарға орналастырылды», делінген әкімдіктің хабарламасында.