Ертіс ауданы әкімдігінің алдында тұрған Лениннің ескерткіші ақыры алынды. Бәрекелді дестік. Бірақ, бізге хабарласқан аудан тұрғындары аң-таң. Қуанышты көңілдері су сепкендей басылыпты. Не болды десек, ауданға жолсапарға барғанда өзіміздің де көзіміз көрді. Кеткен Лениннің орнында... танк тұр! Естімеген елде көп деген осы.
Ертіс ауданы әкімдігінің алдында тұрған Лениннің ескерткіші ақыры алынды. Бәрекелді дестік. Бірақ, бізге хабарласқан аудан тұрғындары аң-таң. Қуанышты көңілдері су сепкендей басылыпты. Не болды десек, ауданға жолсапарға барғанда өзіміздің де көзіміз көрді. Кеткен Лениннің орнында... танк тұр! Естімеген елде көп деген осы.
Жалпы, біздер елдік рәміздер, елдік мақсат, елдік мүдде жайлы көп айтамыз, көп жазамыз. Бүгінгі ұрпақ үшін патриоттық сезім, отансүйгіштік қасиеттер ұлттық рәміздерді құрметтеу мен қадірлеуден басталатыны белгілі. Мысалы, облыстағы Ақсу қаласына қарасты қалалық бақта ауыл-қалада орындарынан алынған түрлі-түсті кейіптегі Ленин ескерткіштері жиналған. Бақ ішінен жастар мен жасөспірімдер рух, тәлім-тәрбие алатындай, оларға ой салатындай бүгінгі күннің ескерткіш, мүсіндерін іздейсің. Ертіс ауылындағы Ленин ескерткіші келмеске кетті деп жүргенде, енді жетпегені танк пе еді?!.
Фарида БЫҚАЙ,
«Егемен Қазақстан».
Павлодар облысы,
Ертіс ауданы.