Әлеуметтік медициналық сақтандыру қорының елорда филиалында «ТМККК аясында және МӘМС жүйесінде медициналық көмек алу» тақырыбында онлайн-вебинар өтті.
Вебинарға ӘМСҚ елорда филиалы қызметкерлері, Нұр-Сұлтан қаласы бойынша шашыранды склерозбен ауыратын науқас-мүгедектер қоғамдық бірлестігі мен «РСО «Қазақстанның Әкелері» республикалық қоғамдық бірлестігі мүшелері және т.б. қатысты.
Вебинар барысында Медициналық сақтандыру қорының Нұр-Сұлтан қаласы бойынша филиалының халықты ақпараттандыру және өтініштерді қарау бөлімінің жетекшісі Г.Жұманов қатысушыларға ТМККК және МӘМС пакеттеріне қандай медициналық қызметтер кіретіні, МӘМС жүйесінде ұсынылатын медициналық көмектің ерекшеліктеріне тоқталып, жан-жақты түсіндірді. ТМККК аясындағы және МӘМС жүйесінде көрсетілетін медициналық көмектердің таныстырылымы ұсынылды. Ақпараттандыру-түсіндіру барысында ол тегін медициналық кепілдік берілген көлемде,
сақтандырылған-сақтандырылмағанына қарамастан, барлық азаматтарға мекенжайы бойынша тіркелген емханада алғашқы медициналық-санитарлық көмек, жедел жәрдем, санитарлық авиация, шұғыл стационарлық көмек, әлеуметтік маңызды сырқаттар мен негізгі созылмалы сырқаты бар науқастарға, дәрі-дәрмекпен қамтамасыз етуді қосқанда, тегін медициналық қызмет көрсетілетінін атап өтті.
Одан әрі амбулаториялық дәрі-дәрмектермен қамтамасыз ету қызметі бойынша бас сарапшы Б.Хасимұратова жан-жақты түсіндіріп айтып берді.
Сондай-ақ вебинарға қатысушылар тегін медициналық кепілдік берілген медициналық көмек аясында және міндетті әлеуметтік медициналық сақтандыру жүйесінде көрсетілетін медициналық қызметтердің жаңартылған тізбесі, 15 жеңілдік санатындағы азаматтар, МӘМС жүйесіндегі сақтандыру мәртебесін тексеру әдістері, қашықтықтан медициналық қызмет алу туралы, т.б. ақпараттар алды.
«Егемен-ақпарат»