Қытайда магнитудасы 5,1 болатын жер сілкінісі болды. Жер асты дүмпулері Шыңжаң-Ұйғыр автономиялық ауданының Пишан префектурасында сезілді, деп хабарлайды Egemen.kz.
Қытай жер сілкіну орталығының (CENC) мәліметі бойынша жер сілкінісі сенбі күні Пекин уақытымен таңғы 9:54-те болды.
Жер сілкінісінің эпицентрі келесі координаттарда орналасқан: солтүстік ендік 37,87 градус және шығыс бойлық 77,96 градус, 7 км тереңдікте.
Жер сілкінісі басталғанға дейін Шыңжаң провинциясының Қашқар мен Хотан префектураларының бір бөлігінде бірнеше ұсақ дүмпулер болды.