Облыстық полиция департаменті баспасөз қызметінің мәліметінше, полиция қызметкерлері сағат 22:30-да патрульдеу кезінде Шарбақты ауданының Шалдай ауылындағы Ленин көшесінде автокөлікті тоқтатқан, деп хабарлайды Egemen.kz.
- Көлік жүргізушісі 2019 жылдың сәуір айында көлік құралын басқару құқығынан айырылған болатын. Алайда ол рульге неге қайта отырғанын түсіндіре алмады. Жүргізушіге қатысты ҚР ӘҚБтК-нің 612-бабы 4-1-бөлігі бойынша әкімшілік іс қозғалды. Материал сотта қаралды, - дейді департаменттегілер.
Сот шешімі бойынша ер адамға 70 АЕК көлемінде әкімшілік айыппұл салынды.