Үкімет отырысында Министрлер кабинеті құрамына жаңадан қосылған ҚР Экология, геология және табиғи ресурстар министрі қызметіне тағайындалған Серікқали Брекешев ант қабылдады, деп жазады Egemen.kz.
Жаңа министр Қазақстан Республикасының халқы мен Президенті алдында өз Отаны - Қазақстан Республикасының экономикалық және рухани даму ісіне барлық күш жігерім мен білімін жұмсауға, мемлекеттің Конституциясы мен заңдарын қатаң сақтауға, өзінің іс-әрекетінде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елінің мемлекеттілігі мен дүниежүзілік қоғамдастықтағы беделін нығайта беруге салтанатты түрде ант берді.