Қазақстанның бірнеше өңірінде ауа райына байланысты ескерту жарияланды, деп хабарлайды Egemen.kz.
«Күндіз 15 қыркүйекте Қостанай облысының солтүстік-батысында найзағай, оңтүстік-батыстан 15-20 м/с жел күтіледі.
Ақмола облысының батысында найзағай күтіледі. Оңтүстік-батыстан жел соғады, облыстың солтүстік-батысында жел екпіні 15-20 м/с.
Батыс Қазақстан облысында жел оңтүстік-батыстан, батыстан соғады, күндіз екпіні 15-20 м/с.
Шығыс Қазақстан облысының солтүстік-шығысында түнде 3 градусқа дейін суытады. Бесқарағай ауданында төтенше өрт қаупі күтіледі.
Күндіз Солтүстік Қазақстан облысының оңтүстігінде оңтүстік-батыстан 15-20 м/с жел соғады.
Түнде Қарағанды облысының солтүстік-шығысында 2 градус үсік сақталады. Облыстың батысында төтенше өрт қаупі бар», делінген «Қазгидромет» РМК баспасөз хабарламасында.