Үндістанның батысындағы Гуджарат штатында нөсер жаңбырдың салдарынан болған сел салдарынан үш адам қайтыс болды, тағы бесеуі із-түссіз жоғалғандардың тізімінде, деп жазады Egemen.kz.
Жергілікті БАҚ-тың хабарлауынша, Раджкот пен Джамнагар қалалары аймағында жауған жаңбыр селге себеп болған.
Апат аймағынан мыңдаған адам эвакуацияланды.
Аймақта іздестіру-құтқару жұмыстары жүргізілуде.
Мектептерде сабақ тоқтатылды.
Үнді метеорологиялық департаменті Гуджарат штатында жауын 18 қыркүйекке дейін жалғасатынын хабарлайды.