Венесуэла құрамасы 2021 жылы Литвада өтетін футзалдан әлем чемпионатының 1/8 финалында Марокко құрамасынан 2:3 есебімен ұтылды, деп жазады Egemen.kz.
Марокко енді Бразилия-Жапония жұбының жеңімпазымен ойнайды.
Еске салайық, Венесуэла ұлттық құрамасы топтық кезеңде Қазақстан құрамасымен тең ойнады (1:1) және өз квартетінде Рикардо Каканың шәкірттерінен кейін екінші орын алды.
Осылайша, Қазақстан құрамасы плей-офф кезеңінде А тобының жалғыз белсенді өкілі болып қала берді.
23 қыркүйекте Қазақстан 1/8 финалдық матчта Тайланд құрамасымен кездеседі.