Полицияға Шапық Шөкин көшесінде тұрған Lexus көлігінің 270 мың теңге тұратын айнасын түнде біреулердің үптеп кеткені туралы хабарлама түскен, деп жазады Egemen.kz.
Екі күнде азаматтардан дәл осындай 5 шағым түскен. Тәртіп сақшылары, жедел-іздестіру шаралары барысында күдіктіні ұрлық үстінде қолға түсірді. Ол аймақтағы зауыттың бірінде жұмыс істейтін 30 жастағы қала тұрғыны екені анықталды. Күдікті айыбын мойындады.