Ауғанстанда билікке келген «Талибан» қозғалысының содырлары адамдарды ұрлады деп айыпталған Гераттың солтүстік-батыс провинциясының төрт тұрғынын өлім жазасына кесті, деп хабарлайды Egemen.kz Радио Sputnik-ке сілтеме жасап.
«Талибан» өкілтері көпшілік алдында төрт адамды дарға асты. Тәлібтердің өздері болған оқиғаға ресми түрде түсініктеме берген жоқ.
Бір күн бұрын топтың негізін қалаушылардың бірі мулла Нуруддин Тураби Associated Press агенттігіне берген сұхбатында кейбір қылмыстар үшін қоғамдық жазаны қайтару жоспарлары туралы мәлімдеді. Оның пікірінше, мұндай тәжірибе «тежеуші әсерге» ие.
Аяқ-қолдарды кесу немесе дарға асу түріндегі қоғамдық жазалар Ауғанстанда 1996 жылдан 2001 жылға дейін, Талибан бірінші рет билікте болған кезде кеңінен қолданылды.
Тамыздың ортасында Ауғанстаннан американдық әскери контингенттің шығарылуы аясында Талибан барлық ірі қалалар мен шекараларды басып алды.31 тамызға қараған түні АҚШ әскери күштері елдегі әскери миссияны ресми түрде аяқтап, Ислам Республикасында 20 жылға жуық қатысуын аяқтады.
«Талибан» басшылары шетелдік сарбаздардың кетуімен елдегі соғыс аяқталып, қоғамда шариғат заңдарын сақтауға негізделген жаңа мінез-құлық нормаларын қалыптастыруға кірісті деп мәлімдеді.
Атап айтқанда, музыкаға тыйым салынды, әйелдердің құқықтары едәуір шектелді, ал мектептерде ұлдар мен қыздарды бөлек оқыта бастады.